Quartu piano ogge

Ve veco fore a logge già affacciata

quanno ‘e matina passo ‘a parta vosta.

e ‘o friddo me va taglianno a faccia

e ll’uocchie chine ‘e lacreme se fanno

stu core mio s’appiccia

penzanno ‘e fatte vuoste

ca fore ‘o quarto piano

fa ancora assaie  cchiù friddo.

E’ overo cu ‘a stagione

‘o tiempo cagnarrà,

e io si nun sto attiento

me pozzo jì’ a scuntrà

cu chillo c’’o cuntrario

fanno ‘a stessa via.

Ma vuie m’arricurdate na poesia

ca ‘int’a nu libro

truvaie ch’ero guaglione.

Ma vuie che ce facite ancora

fore a stu balcone

ormaie ‘a tantu tiempo ?

Giacchè fa tantu friddo

e ll’aria ‘un è cchiù fina

che v’affacciata a fà

si ‘un è pe risciatà ?

Ve veco frasturnata.

L’età fa brutti scherze.

‘E tiempe n’ite perze,

ma nun penzate a me

c’aggio girato ‘o sterzo

e me songo fermato.

Giacchè tutto è fernuto

pecchè ‘o penzate ancora ?

Ogge ch’è primmavera

e mette ‘e sciure ‘a pianta

me faccio n’atu chianto

fino a ca l’autunno

nun me trascina a funno

comme tant’anne fà.

Nun resto indifferente

a stu ricordo antico,

a chillo ca passava

pe scrivere poesie.

Proprio comme a vuie!

Fusseve ‘o figlio suio ?

Gioacchino Ruocco

Ostia Lido   09.08.016