C’o cavero che fa….

Piazza Orologio

C’o cavero che fa

addò pozzo appuggià

‘a scunfirenzia ca me sta piglianno ?

Fra poco resto sulo.

Ognuno parte

e va a truvarse ‘o frisco.

Ca quanno veo austo

Un te canosco

Dice nu pruverbio d’’o passato

Io comme a na maruzza

me trascina

‘a n’ombra a n’ata.

Sta villa

si avessene accunciata

sarria ‘o posto justo

pe fa duie passe

cu nu gelato mmane

‘o nu cafè granita.

Oppure a Quisisana.

Senza trambusto

E ‘a voce ‘e qualche auciello iusto iusto.

Ma quanno te si fatto vicchiariello

cu chi t’’a vuò piglià ?

Ce vonno ‘e gamma e ‘a capa,

‘o core ancora forte

e na pacienza

ca nun tene fine

ca dura almeno

sta semmana ‘e ferrausto

si riesto sulo pecchè sulo staie.

Quanno me so’ purtato nu panino

e na butteglia ‘e acqua

ma chi m’accire ?

Nu mullechella ‘a lascio

all’auciello

e n’ata a chi é nascosto sotto ‘e frasca.

Me stongo priparanno

e guardo ‘o cielo.

Nuvole ncielo nun ce ne stanno ogge.

Ma passarrà ‘o bus p’’o Rilorgio ?

Già m’ha lasciato appere ll’ati vote

E so’ rimasto all’ombra

a rusecà biscotte e na fresella

vevennemo ddoie buttiglielle

‘e acqua d’’a Madonna

Io preferesse chella ‘e San vicienzo.

C’’o fenucchiello è meglio

Basta can un me squaglio mentre aspettoc

ca si me perdo

pur’ogge  st’accasione

chi sa si ‘a tengo ancora na stagione.

Gioacchino Ruocco

Ostia Lido                 01.07.016

Gaeta - Quisisana