Si fosse stato a Vuie…

Salvatore Di Giacomo

Si fosse stato a Vuie, Don Salvatò,

avesse fatto ‘o pazzo

quanno l’autunno

cu nu zicrì d’arillo

se presentaie a Vuie

accumpagnanneve a casa,

facenno cadè ‘ncopp’a stu munno

chella malincunia d’autunno

ca qualc’anno primmo

era sultanto nu penziero 'e croce

ca ‘nfunno ‘a vita vosta ‘un arrevava.

Silenzio! E che silenzio

scenne dint’’o core

quanno accummience a sentere

ca tanta cose moreno

o erano già morte 

attuorno a te

e ca nu juorno ‘e chisto

mentre stongo sunnanno

arrivarrà pe me, ppietosa o no,

n’addore ‘e rosa sfatta

dint’a casa.

 ...‘a mano mia s’allungarrà

“ pe na carezza ancora

mentre dint’’o piatto

fredda se fa ‘a frettata.

Comme me so' distratto!
Comme te si' ncantata!...” *

Gioacchino Ruocco

Ostia Lido                01.07.016

·        Da “Na tavernella ncopp' 'Antignano”   1907