Nu dispietto a che vale

Stu sole è talmente cucente

ca nun capisco cchiù niente

‘e chello ca sta succedenno.

Aggio bisogno ‘e na frasca,

d’’o frisco ca fa

ca si nun me renfresco

qualcuno me pesca

ammusciato p’’a via.

Addò staie? Che faie ?

‘A stagione ce vò,

ma no comme è chesta.

So’ cuotte comme ‘e rapeste

ca cuoce ogne tanto

cu nu capo ‘e sasiccia.

Ogge nun esco.

Me songo acquattato

dint’a nombra d’’a casa

comme a na cosa

scurdata d’’o tiempo,

ma ‘a povera è ‘a stessa.

Dimane me serve

na bella lavata.

Almeno si moro

sto già priparato.

Ma torna ‘o penziero

a Mariù che m’aspetta.

Si nun vaco, nun torno

se crede ch’é n’atu dispietto.

Se molla o nun molla,

io ‘a llà nun me scollo.

Nonostante l’età

so ancora ‘o cchiù tuosto.

Ma si scenne m’accosto

pe darle nu vaso.

Doppo tanto c’aspetto

qualcosa me trase.

Nu dispietto a che vale

si passeno ‘e mise

e sto ancora llà sotto

senza acchiappà ?

Gioacchino Ruocco

Ostia Lido           22.07.016