Quanno mor’io…

Quann’io more

nun v’ammullate appriesso,

ca nun ‘a sento stà necessità.

Guditeve ‘a vita ca ve resta.

Penzate ‘e fatte vuosto.

Io penzo ‘e mije

in fin dei conti

io ritorno a Ddio.

Murite  a uno a uno, un v’affullate.

Murì nun è nu terno d’’a bonafficiata:

l’eternità tene ‘e tiempe suie

e ‘un se po’ allargà a piacimento.

Quanno è ‘o mumento,

e ognuno tene ‘o suoio,

chi more,  addò murì cuntento

levannese ‘a miezo a tanta guaie.

Si è fatto  ‘o tuio

arrivarrà ‘o mumento.

Quanno t’è fatto viecchi e te lamiente

ce sta attuorno

chi nun te vò senti.

Songo lamiente

e no invite a pranzo

pe levà ‘a miezo

chello c’avanza

d’’o juorno primmo.

E nun me d’ì ca ca chesto nun è overo

ca ogne ghiuorno io ne sento uno

c’aspetto ca faccio a mappatella

e ghjesco ‘e scena

comme ‘int’ a cummedia.

Chi more nun soffe ‘e luntananza.

So’ male ‘e panza

chesta vita nosta.

Penzo ca qualcuno m’o fa apposta

pe se levà  ‘a nanze

ggente capatosta comme a me.

Quanno mor’io,

comme dicette uno,

facite festa

magnate maccarenu

cu na barzanella quanno cchiù è tirata

ca si ne resta uno è nu peccato.

Gioacchino Ruocco

Ostia lido                        07.07.016