‘A gelusia..

La cacciata dall'Eden - Masaccio - Cappella Brancaccio

‘A gelusia è femmena.

e ‘a femmena c’accide

è femmena gelosa,

ca nun reposa

si nun t’adduorme

vicino ‘o sciato suio,

Ca si te cerca

te vò truvà affianco

e si si stanco

sapesse c’a dda fa

pe te tene scetato

cchiù ‘nnammurato  ‘e primma.

‘A gelusia è nata

‘nziem’’o munno

ca si nun fosse nata

jevemo ‘a ffunno

‘o stesso juorno

Ca isso fuie criato.

Primma ‘a facette

e po’ se nnammuraie

‘e chello ch’evo fatto

e all’intrasatta

s’avutaie ‘o munno.

ca nun fuie cchiù ‘o stesso,

Pure ‘o cchiù fesso

Sentenno ‘o fieto  ‘o naso…

Ih quanta sceneggiata,

Ih quantu fele

Ca ce mettette

Ncuorpo  a chella mela.

E chillu scemo ‘e Adamo

s’’o credette,

pecche comme a nu scemo

rummanette

cu ‘ a mele mmano

senza s’’a magnà

ca mò chi passa ‘a llà

‘o trovo cu sta mela

ancora mmano

e ‘a mulignana moscia

ca ‘o sta aspettanno

pe na parmiggiana.

Gioacchino Ruocco

Ostia Lido              03.04.016

La cacciata dall'Eden - Masaccio - Cappella Brancaccio