Si ‘o muro se ne care ...

Si t’aggio ancora  a ssola

dint’a chillo vico ca nun sponta

a ddò tu m’aspettave

pe nun te fa vedè a mamma ‘e pate

ato ca vaso ‘nfronte.

Comme a na rosa ormaie te si fatta

cu nu mussillo

ca nun me da cchiù pace

e quantu cchiù tiempo passe

cchiù me piace

ca cchiù nun trovo suonno quanno è a sera.

Sarra ca mò so’ gghiuorne ‘e primmavera,

ma nun me pare overo chello ca sento

cchiù forte dinte ‘e vvene

ca a tenerte mente

me ne stò ghienne quase ‘nfantasia.

Ahimè ! Ahimè ! Ahimè !

Ma so’ capace ‘e zumpà ‘o muro

ancora n’ata vota ?

E a nun te fa suffrì  si nun t’arrienne ?

E m’appuggià a stu muro p’aspettarte ?

E farme ‘e cunte pe tenè pacienzia ?

Aggio mbarate st’arte chianu chianu

guardannete int’a lluocchie quanno pozzo

però lasceme dì c’ormaie so’ pazze

si ‘o muro se ne care comme faccio ?

Gioacchino Ruocco

Ostia Lido              13.04.016