E' primmavera

‘O friddo ‘e sti juorne

m’è miso ‘ncuollo na malinconia

ca nun me vo lassà.

M’astregno a te

ma nun se scarfa st’anema

ca chiù nun trova

nu penziere doce.

Comme aggio fa

si me sento ‘ncroce

e ‘a voce toia

è nu pensiero

ca nun me fa murì ?

Me giro dint’’o lietto

e nun te trovo,

te chiammo

ma tu nun staie a me sentì.

‘O saccio songo ‘e nove

e già te si sesuta

ca tiene tante ‘a fà.

Comm’è stu fatto,

sta freve a do è venuta  ?

Che brutto tìempo!

Me pare ca mò more

eppure ‘o core sbatte,

sta mpazzenno.

‘O ssento

ca nun sto murenno.

Ma nun se po’ suffrì

‘e sta manera

aspettanno ca na sera

tutto po’ cagnà.

Tu si ‘a felicità

ca m’è rimasta,

ma io che so’ pe te si nun t’avasto ?

Mo nun è tiempo

ch’’è fronne hanno cadè

‘E primmavera

e io me fido ‘e te.

Gioacchino Ruocco

'E  primma matina 

La raccolta è inserita in quella più ampia dal titolo

Turnanno arreto,

edita a Roma nel 2010

presso il Gruppo editoriale L'Espresso

Ostia Lido  2 maggio 2009 – ore 8.00