Si tu vuò fà...

Si tu vuò fa….

Si tu vuo fà

a chi cchiù grossa‘a dice

allora se po’ fa.

Ma si ‘o faie

pe metterte sultanto a coppa

allora lassa sta’

ca già me so stancato

‘e pazzià.

Quanno me sceto

nun aggio stà a penzà

si chello ca te dico

è poco o tante,

si è quanto

o assie cchiù poco

‘e chello ca me dice tu,

si te faccio felice

oppure no..

I’ voglio pazzià,

ma no c’’o fuoco

I voglio sta cu te

ma no a f’’a corza

a chi arriva primmo.

Si nun scapizza

si nuie nun ce capimmo,

che vuò fa ?

Vulisse cuntinuà

a fa stu juoco ?

M’allora nun staie bbona,

tu vuò pazzià c’’o fuoco !

Gioacchino Ruocco

'E  primma matina 

La raccolta è inserita in quella più ampia dal titolo

Turnanno arreto,

edita a Roma nel 2010

presso il Gruppo editoriale L'Espresso

  

Ostia lido 13/05/2009 ore 07.20