Marzo è primmavera…

Comme ne vene vene

marzo è primmavera

e io me so’ scetate

chino ‘e fantasia.

Ciardino pe ciardino

arrivo ‘nfino a te

ca tiene ‘o ciardiniello

ncopp’a cimma

‘mmiezo a nu posto

ca quanno arapo ll’uocchie

me sento scevulì

‘int’’e denocchie

guardanno ‘o munno attuorno

‘o riesto ch’è n’incanto

ca pure chi ‘e santo

fa peccate.

E che canzone

cantano ll’auciello

appena sanno

addore ‘e ciclamino,

e che butteglia ‘e vino

ce vevimmo

centellinanno ammore

vaso a vaso.

Quanno fa frisco trase

dint’’o core tuoio

e quanno arriva ‘o sole

esco e canto

fino a ca nun so’ cchiù santo,

moneco ‘e questa

scurdanne ‘e penietenzie

e tutt’’o riesto.

Gioaccino Ruocco

Ostia Lido        24.04.016