Quanno me piglia a malincunia...

Quanno me piglia a malincunia

sento ca st’anema mia

te va cercanno.

E gira e vota

e comme na vota

giravo currenno

annarianna ‘a cumeta.

Na palomma ca passa

me porta cu essa

addò ‘e sciure

ce stanno a migliara.

Cagna ll’aria

e addore é n’addore

ca tanta sciure

nziemo te fanno.

E int’’o core me passeno l’anne

e me torna l’affanno ‘e na vota

‘e quann’ero guaglione

e ‘o fucile puntato

me steva ‘int’all’uocchie.

Chi me teneva

era ‘a smania ‘e campà

e chiagnevo

e chiagnette duie juorne,

ma ‘o tiempo passato

nun s’è scurdato

d’’a suffrenza

ca chillu juorne patette.

Io te cerco

ma nun ce staje cchiù

pe st’anne ca resteno ancora.

Sento ll’anema mia

ca s’astregna  comme a nu pizzeco

pe nun sentero ‘o stesso dulore

ca me steve facenno murì.

Chi ‘o sa si quanno ‘a vita fernesce

si me rencresce ancora stu fatto

o me lassa cuieto p’’a vita ca vene.

Si fosse accussì chi ‘o sa quanno torno

e si me cunviene.

Na vota ca scunta na pena,

cagneta nomme e pienze a campà.

Si ogge t’è gghiuta bbona,

dimane chi sa!

Gioacchino Ruocco

Ostia Lido           14.04.016