C''o friddo 'int''o core

Me chiagneno ll’uocchie

p’arragge ca tengo

e no pe mazzate ca svengo.

Che mode so’ chiste

ca invece d’’o ppane

me danno rapeste.

Nascette già stanco

e more ca fesso cchiù ‘e me

nun ce  stanno.

So anne e so anne

ca m’hanno scucciate:

- Se esce tuo padre...

Ma pateme è muorto ‘a na vita

e io mette piennele appise,

chiochiere dint’a ll’acito.

Ma ‘o bbrito ca tengo int’’e mano

me mette nchiuvato a na croce

quanno sente ‘a voce ‘e nu figlio.

C’’o daje pe darle speranze ?

E ‘o curteo c’avanza

me pare na scigna.

Nun c’è na ragione

ca me leve de guajie

e ‘o tiempo ca passa

nun dà nu cunzuolo.

Guardo ‘o mare a nu passo

ma nun saccio che fà.

Me ce votto e ne faccio nu lietto ?

Ma ‘o dispietto a chi ‘o faccio

si nisciuno s’accaccia qualcosa pe me?

Miez’a folla speravo na botta,

e strillavo ma ‘o votta votta

m’è purtato a scetarme int’a notte

c’’o surore friddo ‘int’’e spalle

senza nu sciallo

c’’o friddo ‘int’’o core.

Gioacchino               Ruocco

Ostia Lido  11.04.016

Immagini da La Repubblica