Cu ll’età ca tengo ormaje
me trovo attuorno
chi me spoglia e veste
e cerca ‘e me fà feste
tutt’’e juorne
pe me levà qualcosa
‘a dint’’a sacca.
Me dicene chello c’aggia fà
pe me fà suppurtà.
Ormaje pe tutte chiste
io nun capisco niente,
me guardeno ‘int’a lluocchie
comme cu ‘e deficiente.
Ma io ca nun m’’a faccio
ancora ‘int’’ cazone
le faccio segno ‘e jì
a se truvà n’atu padrone
ca ‘e bisogne mie
‘e saccio sultant’io.
Si nun vuò fà na cosa
è ‘a fà pe fforza.
T’’a fanno parià
pure si tu nun magne.
Dicene parulelle
ca pe sott’’e chiancarelle
io ‘e mannasse,
quanno me stanco ‘e lloro,
a fà dduie passe
speranno ca ll’asteco se sbraga
ca si resteno sotto
sparagno pure ‘a paga.
Gioacchino Ruocco
Ostia Lido 06.04.016
Nessun commento:
Posta un commento