‘A nustalgia ‘e te

Quanno me vene ‘a nustalgia ‘e te

ch’ è già nu mese ca ‘un ce vedimmo

io piglio e parto e sparto ‘o suonno

cu tutto chello ca

io tengo ancora ‘a fa

primma ‘e te venì a truvà.

Quanno è nu juorno

me piglio scuorno ‘e dicere

ca già me manco.

Io songo franco quanno parlo o scrivo.

Pecchè t’avesse dicere buscie ?

Si tutt’’a vita mia o è tiempo perzo

pe fa qualcosa sulo cu na ragione ?

Allora nun ce sta cchù religione

si uno nun po’ dicere

chello ca penzo e fà ?

Ce stanno chillo c’hanno ‘a capa fresca

e io ‘o core ca si nun te vede more.

Che ce aggia fa ? Tengo ll’età che tengo

pe cchesto vengo e vengo ogne mumento.

Quanno m’’o ssento ncuollo l’aggia fa.

Si no sta nustalgia chi m’’a cunzola ?

Comm’’a cunzola

senza  a na mmericina ‘e farmacia ?

Stongo facenno n’arte pe vulà,

basta ca io te penzo e stongo ccà.

Gioacchino  Ruocco

Ostia Lido      28.02.016