Ce vò pacienzia…

Ca me vuò bbene

me sta pure bbuono,

ma che me vuò fa

pure da nutriccia,

manco pe sant’antuono,

‘o naso  me s’arriccia

pecchè troppo te ‘mpiccie

accussì d’’e fatte mie.

Si fosse na criaure

e jesse pure.

C’’o latte tuie

camparrie cient’anne

ma quanno s’arriva

all’età che tengo

i n’atu ppoco svengo

sulo a ce penzà.

Ancora c’’a zezzella,

c’’a pennezzolla mmano.

Stammo a sentì bbuono

è rrobbe ‘e ruffiana.

Si vuò truvanno ll’anema

t’’a dongo, pigliatella,

ma famme guardà ‘e stelle

quanno me vene ‘a voglia.

Simmo marito e moglie,

comme a na spiga e ‘a sgoglia.

Io tengo sulo voglia

‘e fa ll’ammore assieme

e ogne mumento te spoglio

cu sti penziere mie.

Che bella grazia e ddio

c’ancora si pe me.

Me ‘ncanta stu penziero

e torno criaturo,

ma po’ nun so’ sicuro

d’’o suonno ca me piglia.

Comme pozz’esse figlio

a una piccerella comme a me.

Ce vò pacienzia, è ‘a vita!

Ca una sola é.

Gioacchino Ruocco

Ostia lido                  08/02/2016