Chi s’arricorde tene ll’età mia.
O ire piccerillo o nu stucchione.
Si mamma pazziava o era avero
l’aggio capito, a essere sincero,
quanno pur’io aggi’ avuto ‘e figlie.
Quanno nun ‘e vulevo mmiez’’e piere
l’accumpagnavo d’'a vicina ‘e casa
o d’’a zi’ Rosa cu na bbona scusa
ch’era una ‘e chelle assaje speciosa
ca se mmiscava mmiezo ‘e ccose ‘e llate.
Addò mò ve ne jate ? Sì è p’’a spesa,
vurria na buttigliella ‘e acqua ‘e rosa,
ca me fa suspirà quanno m’’o mette.
Pigliame, oj ni, pure ddoje fette ‘e carne
ca stanno sola nun ne faccio tanto uso.
‘A scusa mia addeventava ‘a soja.
Si nun dicive niente te chiedeva
si almeno ‘a spesa overo l’ive fatta.
‘E vote l’accatavo doije buatte
‘e frutta sceruppata, le piaceva.
S’ammuccava ‘o fatto comme ‘e criature
ca si e faje fa chello ca vonno
te fanno fa a te chello ca vuò.
Ereno sempe allero da zi Rosa
ca me diceva de purtà cchiù spisso,
ma me raccumannava ‘o piripisso
pe starme attiente a qualche raffredore,
ch’’e vvote ammore te fa brutte scherze
e te n’accuorge sule quanno è perzo
e s’accummencia tutto punto e a capo.
Gioacchino Ruocco
Ostia Lido 27.02.016
ahahhahaha e io ci sono cascata una volta........ahahhaah
e ti sei dimenticato al bar....ahahahha li mi hanno mandata
e il barrista mi ha spiegato che mi doveva sbattere 100 volte.con la testa al bancone....che figura. ahahahha ero proprio una ragazzina ingenua....
e ti sei dimenticato al bar....ahahahha li mi hanno mandata
e il barrista mi ha spiegato che mi doveva sbattere 100 volte.con la testa al bancone....che figura. ahahahha ero proprio una ragazzina ingenua....
Nessun commento:
Posta un commento