A ppoco a ppoco

A ppoco a ppoco

stu juorno è passato

e nun me metto scuorno

si ‘e me te si scurdata

addurmennete stanca e addulurata

dint’a nu lietto ‘e sgoglie

ca ’allentano ‘o suspiro

e ‘a stanchezza ‘e tutta ‘na jurnata

ca comme a sempe

se fa amare quanno te lasso

e arrepasso ‘e penziere

pe nun me perdere ‘o mmeglio

ca m’è dato.

Frevaro curto e amaro

si nun fosse pe ll’uocchie tuie

ca doce me guardeno

e suspireno

mentre io t’ammiro e guardo

quanno cammine

pe me venì vicina

senza paura ‘e sguarde indelicate.

Penziere ca nun hanno ragione’e essere

fanno sta stagione

‘e juorne spare:

allere quanno sperenne

t’arrobbo qualche vaso

e triste quanno nun trase

e nun me vuò vedè

c’allaje paura d’’a freva ‘e ammore

ca te po’ venì.

Sienteme e nun me ne fa jì luntano

tremmanno comme ‘e foglie ‘e ll’autunno

c’’o munno fanno chiagnere

già c’’o friddo ncuollo.

Tu m’ammuolle penziere ‘e maraviglie

e io m’’e piglio e soffro

comme l’arraglio ‘e nu ciuccio

c’arrennerse nun vò  a ‘o viento ‘e terra.

Gioacchino Ruocco

Ostia Lido       14.03.016