…ma c’aggio fatto ‘e male

Dio, Ddio, ma c’aggio fatto ‘e male

ca ogne vvote ca leggo stu ggiurnale

me vene voglia ‘e nun campà cchiù,

‘e me ne jì all’inerno

ca ‘o Pataterno s’è stancato ‘e me!

Nun ce sta juorno ca nun ce songo guaie,

sangue che scorre ‘e ggente straziate

ca p’’e mettere assieme

faie primma na mappate

ca na sarta brava cusetora.

Ogne ora è nu scappa scappa

ca ce aggio perzo già nu pare ‘e scarpe,

nu chianto ca te piglia e nun te lassa

e haje voglio di: - Arrassa, arrassa

ca manco ‘mmiez’’e nuvele se po’.

‘O ciello, ogne ghiuorno è nu squanquasso.

Se porta appriesso ‘e nnuvole cchiu nnere,

ca a essere sincero me passa ‘a voglia

‘e restà ancora ccà p’accatast currive

ca ‘o rivo  ‘ngrossano e fanno ll’ati danne.

Ma che te prego a ffà si c’’o sparagno

nun se guadagna manca na mangiata ?

Dimane almeno facenno n’arraffata

se fatica ancora n’ata jurnata

purtanno ‘a casa ‘o ppane ca c’è dato.

Gioacchino Ruocco

Ostia Lido           23.03.016