Pur’io tengo na spina…

Pur’io tengo na spina,

ma ‘int’’o core

ca nun è miso sciure fino a mò

e nun ne mettarrà fino a che more

pure si soffre

comme a Giesù Cristo 'ncroce.

Forse sarrà

ca faccio mancà  ‘o scisto

dint’a lanterna

‘e  Annarella mia;

forse sarrà

ca faccio ‘o cammurrista

pe me fa rispettà

‘a che so’ nato;

forse pecchè

nun tengo mamma e pate

ca stanno ‘a rete ‘e spalle

a m’aiutà.

Forse pecche so’ n’ato

‘ntiemp’’e guerra

e campo stanno

cu ‘e piere ‘nterra.

Pu’io tengo na spina

ca pogne e me fa male,

purio aspetto ca mette

qualche sciore,

pur’io me sento ‘o core

‘nzuccarato aspettanno.

Sperammo

ca sta vota me farraie l’onore

e t’arricuorde ‘e me

Ca guardo a chi

‘a pace l’ha truvata

e io ‘mmiez’a Pace

 nun ‘a trovo ancora
tanto ca stò penzanno
'e cagnà casa..

Gioacchino Ruocco

Ostia lido     26.03.016