è na cosa ca succere…

Erasmus: Hay cosas que no te imaginas que puedan suceder de repente (y que ojalá nunca sucedieran). Muchos ánimos a todos

‘A vita è na cosa ca succere:

o è nera nera  o allera

Chi dice ch’isso spera

‘e cagnà ‘o munno

nun sape c’appripara chesta vita,

ca scustumata

nun ce ne stà

n’ata accussì.

Comme si ‘e penziere

ca t’accidono

nun ce ne fosseno già abbastanza,

ogne gghiurno

è nu dulore ‘e panza

ca nun te fa campà

n’ora cuieta.

‘O siento stu remmore

ca sta arrevanno ‘a fore ?

Po’ essere ‘o remmore

d’a fine ‘e n’ata vita.

Chi nun ‘o sento,

forse nun tene core

o è muorto già

e cu ll’esequie appriesso

se sta facenno tutt’’o lungomare

pe s’’o gudè

all’urdemo mumento

che è ancora cavero

c’ancora isso sente

‘e appartenè ‘a terra

primmo ‘e partì p’’a guerra

all’atu munno.

Gioacchino Ruocco

Ostia Lido           22.03.016